ఎప్పట్లాగే

ప్రతి రోజు లాగానే

మళ్ళీ ఈ రోజు మొదలయింది

గాయాల నదిని మోస్తూ

గతం లో లాగానే

చీకటి ఎంతగా కమ్మేసినా

నిద్ర విడాకులిచ్చేసింది

రాత్రంతా మెలకువ నిండింది

కళ్ళు ఎంత గట్టిగా మూసుకున్నా

మనసుని ఆలోచనల్ని

బిరడా బిగించి బంధించ లేం కదా

నిరాశను నిర్వీర్యం చేసే

నేస్తమా ఎక్కడని వెతకను నువ్వెక్కడున్నావ్

మళ్ళీ దీపం ముట్టిద్దాం రా

ప్రశాంతంగా వెలుగును నింపుదాం రా ! ! !