చుక్క పొద్దు తో లేవడం
నడుం వంచడం
నలుగురితో పలకడం పంచుకోవడం
బాగున్న వానే.. అంటూ
ఫేస్ టు ఫేస్ లే తప్ప
ఫేస్ బుక్కుల లుక్కుల్లేవు
వాట్స్ అప్ ల టెక్కుల్లేవు
చీకటయితే చాలు
‘గూట్లే
దీపం నోట్లే బుక్క’
గట్కో అంబాలో
కడుపుల ఇంతేసుకుని
కాళ్ళు బార్లా జాపి
చుక్కల్ని లెక్క బెడుతూ
కూని రాగాలు తీసిన కాలమది
దీర్ఘ నిద్రలూ సుధీర్ఘ రాత్రులూ
రంగుల కలల్లేవు, కల్లల్లేవు
నిద్దట్లో కలవరింతల్లేవు అంతా
మన ఆధీనం లోనే వుండేది
స్నేహాలకు ప్రేమలకు అర్థముండేది
మంచికీ చెడ్డకూ
చుట్టూ సమూహముండేది ……
జానే కహాన్ గయే వో దిన్
కామెంట్‌లు లేవు:
కామెంట్‌ను పోస్ట్ చేయండి