చలనం

చలనం

జీవితం

పరుపు బండ మీద

పరుగులుపెట్టే బండి చక్రం కాదు

అట్లని

కంకర రాళ్ళ గతుకుల రోడ్డు మీద

నడిచే నగ్న పాదాల నడకా కాదు

అడుగు అడుగిక్కీ మధ్య వ్యత్యాసాలు

కొన్ని హ్రస్వాలూ కొన్ని దీర్ఘాలూ

ఒక్కోసారి ముందుకూ

మరోసారి వెనక్కూ

నిప్పు మీదో

మంచు దిమ్మ మీదో

కఠిక చీకట్లోనో

పండు వెన్నెల్లోనో

అడుగులో అడుగు

అడుగు వెనకాల అడుగు

కదలిక బతుక్కి ప్రాణ వాయువు

చలన శీలతే జీవితం

https://aanandvarala.wordpress.com/