ఇంకా మిగిలేవుంది

నేస్తమా
జీవితాన్ని శోధించాలి
కొంచెం వేదనను వదిలేయి
ఇంకొంచెం ఆశ్చర్యాన్ని విడిచెయి

గుప్పిట విప్పి గుండె లోతుల్లోని
స్వప్నాల్ని మేల్కొల్పాలి
కళ్ళు తెరిచి కన్నీటి
సముద్రాలు దాటాలి
నువ్వు నేను
కలిసి వేరుగా జీవిస్తున్నామా
వేరై కలిసి జీవిస్తున్నామా
నీకు నాకు మధ్య
ప్రేమో విరహమో
మరో అతీతమయిన రాగ బంధమో
ఎంతగా తరచి చూసినా
నిజం ఇంకా తెలియల్సేవుంది
అత్యంత లోతయిన జీవితంలో
తవ్విన కొద్ది
జ్ఞాపకాలుగా పరిణామం చెందిన అనుభవాలు
చీకటి వెలుగుల్ని రాసులుగా పోస్తున్నాయి
ఎత్తు పల్లాల్ని దాటుకుంటూ
కుని రాగాలు తీసుకుంటూ
మనం పయనం సాగించాల్సిందే

మనం కలిసి గడపని
క్షణం ఇంకా మిగిలేవుంది
-వారాల ఆనంద్
9440501281